W zełenim haju drewko rubajut [1]

W zełenim haju drewko rubajut,
Aż do Dunaju
Trisky padajut.

Padajut welky, padajut mały,
Pod jich pozberaj,
Diwczatko myłe!

Pod jich pozberaj, nakład z nych ohnja,
Wyper koszelju
W p’jatnycju dodnja.

W p’jatnycju dodnja koszelju prała,
A u subotu
Jej prasuwała.

A u subotu jej prasuwała,
By na nedilju
Myłoho wbrała.

W nedilju rano, jak sonce schodyt,
Już mij myłeńkyj
Pid pirkom chodyt.

Pid pirkom chodyt pid cyprusowym,
Pid kapeljuszkom,
Pid kałynowym.

Keby ja znała, kotra mu dała,
Zaraz by ja mu
Werszok złamała.

Werszok złamała, w pecu spałyła,
Naj mi ne ljubyt
Moho frajira.

Any mojoho, any czużoho,
Nechaj że maje
Każda swojoho!